AZ
RU
ABŞ Əfqanıstana yardım etməyəcək-SƏBƏB
ABŞ hakimiyyəti Əfqanıstanda hakimiyyəti ələ keçirən radikal “Taliban” hərəkatı vasitəsilə birbaşa olaraq bu ölkəyə yardım göndərmək niyyətində deyil.
Yenixeber.org: Bunu “CNN” telekanalına müsahibəsində ABŞ prezidentinin milli təhlükəsizlik üzrə köməkçisi Ceyk Sallivan deyib.
Onun sözlərinə görə, Hazırda ABŞ Əfqanıstana humanitar yardım göstərən ən böyük donordur:
“Təkcə bu il biz beynəlxalq və qeyri-hökumət təşkilatları vasitəsilə yarım milyard dollara yaxın maliyyə vəsaiti ayırmışıq. Biz hələ ki, Əfqanıstanın hazırkı rəhbərliyinə (“Taliban”-Red) birbaşa pul təmin etmək iqtidarında deyilik. İnklüziv hökumətdən tutmuş onlarla müntəzəm müzakirə etdiyimiz digər elementlərə qədər hər şeyə yanaşmada əhəmiyyətli təkmilləşməni görənə qədər diqqətimizi beynəlxalq və qeyri-hökumət təşkilatları vasitəsilə maliyyələşdirməyə yönəltməkdə davam edəcəyik”.
