Ümumdünya Səhiyyə Təşkilatı (ÜST) Cənubi Afrika Respublikasında (CAR) aşkarlanan NeoCoV adlı yeni koronavirusla bağlı məlumat əldə edib. Bu virusun insanlar üçün təhlükəsi hələ öyrənilməyib.

Yenixeber.org: Təşkilat çinli alimlərə tədqiqatlarının nəticələrini preprintdə paylaşdıqları üçün təşəkkür etdiklərini bildirib.

"Koronaviruslar tez-tez heyvanlarda, o cümlədən yarasalarda aşkarlanır, bu virusların çoxu üçün təbii anbar kimi müəyyən edilir", - ÜST-dən qeyd ediblər.

Təşkilat eyni zamanda aşkarlanan virusun insanlar üçün təhlükə yaradıb-yaratmaması ilə bağlı əlavə araşdırma tələb olunacağını bildirib.

Daha əvvəl Uhan Universitetinin çinli bioloqları Cənubi Afrika Respublikasında (CAR) yarasalarda NeoCoV koronavirusunun aşkar edildiyini bildiriblər. Çin mütəxəssislərinin fikrincə, virus insanlar arasında yayıla bilər. Əvvəlcə preprintdə olan məlumatlar ekspertlər tərəfindən yoxlanılmalıdır.

Oxşar patogenlər Rusiya, ABŞ, Kamboca, İsveçrə və digər ölkələrdə yarasaların və digər vəhşi heyvanların populyasiyalarında mövcuddur. İnsanlarla vəhşi heyvanlar arasında təmas daha tez-tez baş verərsə, koronaviruslarla əlaqəli yeni pandemiyalar başlaya bilər.

SARS-CoV-2 kimi, Yaxın Şərq qızdırmasının patogeni də insan ağciyərlərinə yoluxur.(“RİA Novosti”)