AZ
RU
Makronun Fransadakı reytinqi Ukrayna hadisələri fonunda 33%-ə yüksəlib
Fransanın hazırkı prezidenti Emmanuel Makronun reytinqi həftə ərzində 8,5 faiz artaraq 33,5%-ə çatıb.
Yenixeber.org: Bunu “Elabe” sosioloji xidmətinin keçirdiyi ictimai rəy sorğusu sübut edir.
Makronun birinci turda ən yaxın rəqibi və ikinci tura namizəd, radikal sol yönlü Milli Birlik Partiyasından Marin Le Pendir - sorğu iştirakçılarının 15%-i ona səs verməyə hazırdır. Amma əgər Le Pen bir həftə ərzində reytinqinin iki faiz bəndini itiribsə, o zaman “Tabe olmayan Fransa” solçu hərəkatının nümayəndəsi Jan-Lyuk Melenşon, əksinə, 0,5 faiz toplayıb və 13 faizlə üçüncü yeri tutur.
Sorğu Konstitusiya Şurası tərəfindən birinci turda iştirak edəcək 12 namizədin yekun siyahısının elanından dərhal sonra internet vasitəsilə martın 7-dən 8-dək aparılıb. Sorğuda yaşı 18-dən yuxarı olan 1 580 sakin iştirak edib. Fransada prezident seçkiləri iki turda - aprelin 10-da və 24-də keçiriləcək.
