Rusiyanın “Birinci kanal”ının canlı efirində kanalın əməkdaşı, efir redaktoru Marina Ovsyannikova müharibə əleyhinə şüar nümayiş etdirib.
Yenixeber.org: Redaktor hadisədən daha əvvəl videomüraciət yayımlayıb.
Ovsyannikova videoda Kremlin təbliğatı ilə məşğul olduğu üçün utandığını bildirib:
“İndi Ukraynada baş verənlər cinayətdir. Rusiya isə təcavüzkar ölkədir. Və bu təcavüzə görə yalnız bir nəfər məsuliyyət daşıyır. Bu şəxs Vladimir Putindir. Mənim atam ukraynalıdır, anam rusdur. Rusiya bu qətliamı dərhal dayandırmalıdır. Təəssüf ki, mən son illər “Birinci kanal”da işləyirəm, Kremlin təbliğatını aparıram və indi bundan çox utanıram. Televiziya ekranından yalan danışmağa icazə verdiyim üçün utanıram. Rus xalqını zombiləşdirməyə icazə verdiyim üçün utanıram. 2014-cü ildə, bütün bunlar yeni başlayanda susmuşduq. Kreml Navalnını zəhərləyəndə biz mitinqlərə çıxmırdıq. Biz sadəcə olaraq bu anti-insani rejimi səssizcə seyr edirdik. İndi isə bütün dünya bizdən üz döndərib. Və bizdən sonra gələn daha on nəsil bu qardaş qırğınının rüsvayçılığını yuya bilməyəcək. Biz, rus xalqı, düşünür və ağıllıyıq, bu çılğınlığı dayandırmaq yalnız bizim gücümüzdədir. Mitinqə çıxın, heç nədən qorxmayın, hamımızı həbs edə bilməzlər”, - o bildirib.