AZ
RU
Bu şirkət Yerlə Ay arasında internet qurmaq istəyir
Bu yaxınlarda yaradılmış Amerika şirkəti “Aquarian Space” yüksəksürətli internet vasitəsilə Yer kürəsini Ayla, sonra isə Marsla birləşdirmək niyyətindədir.
Yenixeber.org: Bu barədə “Space.com” portalı bildirib. Qeyd olunub ki, şirkət planın həyata keçirilməsində ilk addımlar üçün artıq 650 min dollar tapmağa nail olub.
Şirkətin rəhbəri Kelli Larson bildirib ki, 2021-ci ildə Ayda və onun ətrafında 13 eniş aparatı, peyk və rover var idi: “2030-cu ilə qədər onların sayı 200-ə yaxın olacaq ki, bu da çoxmilyardlıq Ay iqtisadiyyatını yaradacaq. Lakin bu, Yerlə Ay arasında etibarlı əlaqə olmadan baş tutmayacaq”.
Şirkət ilkin 2024-cü ildə buraxılacaq “Solnet” adlı peyklər şəbəkəsini yerləşdirməyi planlaşdırır. Onların saniyədə 100 meqabit sürətlə məlumat ötürülməsini təmin edə biləcəkləri güman edilir. Bu, hazırda ABŞ-da orta internet istifadəçisindən təxminən üç dəfə sürətlidir.
Şirkət ilkin 2024-cü ildə buraxılacaq “Solnet” adlı peyklər şəbəkəsini yerləşdirməyi planlaşdırır. Onların saniyədə 100 meqabit sürətlə məlumat ötürülməsini təmin edə biləcəkləri güman edilir. Bu, hazırda ABŞ-da orta internet istifadəçisindən təxminən üç dəfə sürətlidir.
