AZ
RU
Xırdalanda damını külək uçuran məktəbdə tədris qismən bərpa olunub
Ötən gün güclü külək nəticəsində dam örtüyü uçan Xırdalan şəhər 9 nömrəli tam orta məktəbdə tədris qismən bərpa olunub.
Yenixeber.org: Bu barədə Abşeron Rayon Təhsil Şöbəsindən məlumat verilib.
Bildirilib ki, yaranmış vəziyyətlə əlaqədar məktəbdə tədris qismən bərpa olunub: "Bəzi siniflər isə müvəqqəti olaraq onlayn dərslərə cəlb ediliblər".
Qeyd edək ki, aprelin 4-də Bakıda güclü külək əsib. Nəticədə Xırdalan şəhər 9 nömrəli tam orta məktəbin damı uçub. Hadisə ilə əlaqədar tədris müvəqqəti dayandırılmışdı.
