AZ
RU
Rubl yenidən ucuzlaşıb -Mərkəzi Bankın qərarı valyuta bazarını çalxaladı
Rusiyanın Mərkəzi Bankı kapitala müvəqqəti nəzarət tədbirlərini müəyyən qədər yüngülləşdirmək qərarı verəndən sonra rubl ucuzlaşıb. Bankdan verilən açıqlamada bildirilir ki, aprelin 11-dən xarici valyutanın brokerlər vasitəsilə alışına görə 12 faizlik komissiya haqqı qaldırılır. Bank həmçinin aprelin 18-dən fərdlərə xarici valyuta satışına müvəqqəti qadağanı ləğv edəcəyini açıqlayıb.
Yenixeber.org: Aprelin 11-də səhər Moskva Birjasında bir dollar 82.09 rubl olub, aprelin 8-də isə məzənnə 71 idi. Yerli vaxtla saat 10:30-da rublun dollara qarşı gündəlik məzənnəsi 5 faiz azalaraq 80, avroya qarşı isə 4.4 faiz düşərək 86.4 olub.
Rublun dəstəklənməsi sırasında əsas tədbirlər ixraca fokuslanan şirkətlərin xarici valyuta ehtiyatlarının 80 faizini rubla çevirmək məcburiyyəti, eləcə də faiz dərəcələrinin qaldırılması idi. Mərkəzi Bank ötən həftə faiz dərəcəsini gözlənilmədən 20 faizdən 17 faizə salıb.
