Bakıda keçirilən aksiya dinc şəkildə başa çatıb.
Yenixeber.org: Aksiya zamanı saxlanılan olmayıb.

***
Bakıda bir qrup inanclı fəal Prezident Administrasiyasının qarşısında aksiya keçirir.
Bu barədə sosial şəbəkələrdə görüntülər canlı yayımlanır.
Belə ki, aksiya iştirakçıları Müsəlman Birliyi Hərəkatının üzvlərinin işgəncələrə məruz qaldığını və İslam müqəddəslərinin təhqir olunduğunu bildirirlər. 
Xatırladaq ki, Müsəlman Birliyi Hərəkatının həbsdə olan sədri Taleh Bağırzadənin müavini Elçin Qasımovun sözlərinə görə, T. Bağırzadə iyunun 3-də aclıq aksiyasına başlayıb: “T. Bağırzadənin aclıq aksiyasına başlamasının səbəbi son dövrlər polis idarələrində vətəndaşlara verilən işgəncələr zamanı Allahın söyülməsi, təhqir edilməsidir. T. Bağırzadə dedi ki, işgəncə verənlərin müqəddəsata təhqirlərinə etiraz olaraq bu addımı atmaq məcburiyyətindədir. Bütün bunlar bəşəri dəyərlərin alçaldılması, inanca qarşı qəbuledilməz addımdır”.
Onun sözlərinə görə, T. Bağırzadə bu cinayəti törədənlər cəzalanana qədər aksiyasını davam etdirəcəyini söyləyib.
DİN səslənən iddiaları təkzib edir.