AZ
RU
İsraildə yeni hökumətin formalaşdırılacağı tarix açıqlanıb
İsraildə keçirilən parlament seçkilərində qalib gələn “Likud” Partiyasının lideri Benyamin Netanyahu hökuməti formalaşdırmaq üçün rəsmi mandatı noyabrın 13-də alacaq.
Yenixeber.org: Məlumata görə, ölkənin Mərkəzi Seçki Komissiyası növbədənkənar parlament seçkilərinin nəticələrini təsdiqləyib. Birinci yeri “Likud” Partiyası tutub. Bu siyasi təşkilatın lideri B.Netanyahu noyabrın 13-də hökuməti qurmaq üçün İsrail Prezidenti İsaak Hersoqdan rəsmi mandat alacaq.
İsrail qanunlarına əsasən, B.Netanyahu dekabrın 10-dək yeni Nazirlər Kabinetini formalaşdırmalıdır.
Xatırladaq ki, noyabrın 1-də keçirilən növbədənkənar parlament seçkiləri nəticəsində sağçı “Likud” Partiyası birinci, hazırkı Baş nazir Yair Lapidin “Yeş Atid” Partiyası isə ikinci yeri tutub.
