Rəzalətin kiçik forması hələ də davam etməkdədir. "Altın Kələbək" Türkiyədə müxtəlif kateqoriyalarla sənət və sənətçiləri dəyərləndirir. İlin serialı, ilin filmi, ilin mahnısı, klipi, müğənnisi, maqazin verilişi və s. Bu sənət nominasiyalarının içində bir dənə qazanc yeri kimi “Azərbaycanın ulduzu” nominasiyası açıblar.

Yenixeber.org: Bu sözləri müğənni və məşhur aparıcı Murad Arif sosial mediada yazıb. O, Türkiyənin təşkil etdiyi mükafatlandırma mərasiminin Azərbaycana qarşı laqeyd münasibətindən gileylənib və sərt iradlarla çıxış edib:

"Hər il Azərbaycandan sanki “saç” seçirlər. Eyni kateqoriyada qadınlı-kişili, müğənni, aktrisa, rəqqasə, aparıcı, bir-birinə aidiyyatı olmayan adamları soxuşdurmaq?!

Zənnimcə, mən də, Hiss də, konkret bir məsələyə aidiyyəti olmayan bu “təki olsun” kateqoriyasını baykot etməkdə haqlıyıq. Altın kelebek, “Azərbaycanın starı” nədi?! Ya Azərbaycanın müğənnisi, aktyoru, modeli, aparıcısı nominasiyası edin, ya da bu rəzaləti hər il yaşatmayın qardaş ölkəyə...".