“Yenixeber.org” RİA Novosti LCI telekanalına istinadən xəbər verir ki,  Fransanın xarici işlər naziri Ketrin Kolonna Rusiya və Fransa liderləri Vladimir Putin və Emmanuel Makron arasında telefon danışığını istisna etməyib. Baxmayaraq ki, bu, yaxın gələcəkdə planlaşdırılmayıb.

O vurğulayıb ki, prezidentlər arasında belə söhbətlər faydalı olaraq qalır. Xüsusilə, iki ölkə liderləri Zaporojye AES-də təhlükəsizlik məsələlərini müzakirə edirlər.

“Belə danışıqlar (Makron və Putin arasında) hələ planlaşdırılmayıb, lakin mümkündür, çünki onlar keçmişdə də danışıqlar aparıblar və bu faydalı olub. Xüsusilə, bu danışıqlar Zaporojye Atom Elektrik Stansiyası kimi mülki nüvə obyektləri ətrafında nüvə insidentləri riskini məhdudlaşdırmağa çalışmaq istiqamətində aparılacaq ”, - deyə, Kolonna bildirib.

Bundan əvvəl Vladimir Putin Makronla telefon danışıqlarına yanaşma tərzini dəyişdiyini bildirib. Onun sözlərinə görə, Fransa mediası iyulda onların dialoqunun stenoqramını dərc etdikdən sonra o, bunu onları kiminsə dinləməsindən irəli gəldiyini vurğulayıb. O, həmçinin danışıqlar zamanı üçüncü tərəflərin olması barədə xəbərdarlıq etməyin zəruriliyini qeyd edib, əks halda etimadın itirilə biləcəyini qeyd edib.