AZ
RU
Kamboca Ukraynaya hərbi yardım etməyəcək
Kamboca Ukrayna Silahlı Qüvvələrinin istehkamçılarını hazırlasa da, Ukraynaya kömək etmək niyyətində deyil.
“Yenixeber.org” “Khmer Times” qəzetinə istinadən məlumat verir ki, Kambocanın baş naziri Hun Sen ölkəsinin Ukraynaya hərbi yardım göstərməyəcəyini bildirib.
Baş nazirin sözlərinə görə, Kambocanın ukraynalı istehkamçılara təlim keçməsi heç də o demək deyil ki, bu ölkə Kiyev və Ukrayna Silahlı Qüvvələrinə başqa növ yardımlar göstərəcək.
Sitat: “Kamboca Ukraynaya heç bir hərbi dəstək verməyib. Kamboca bunu etmək iqtidarında deyil. Kambocanın ukraynalı istehkamçılara texniki yardımı sırf humanitar aksiyadır”, - deyə, Hun Sen vurğulayıb.
Bundan başqa, o xatırladıb ki, Kamboca istənilən ölkənin nümayəndələrini, o cümlədən Rusiyadan olan hərbçiləri yetişdirməyə hazırdır.
Tərcümə etdi: Səadət Sultan
