AZ
RU
Qubada marşurut sürücüsü narkotikin təsiri altında saxlanılıb
Quba Rayon Polis Şöbəsinin Dövlət Yol Polisi Bölməsinin əməkdaşları tərəfindən rayon ərazisində narkotik vasitələrin təsiri altında mikroavtobus idarə edən şəxs saxlanılıb.
Bu barədə Yenixeber.org-a DİN Mətbuat Xidmətinin Quba regional qrupundan məlumat verilib.
Belə ki, Quba rayon sakini Anar İsmiyevin idarə etdiyi marşurut mikroavtobusu Quba rayonu ərazisində nəzarət-yoxlama qaydasında saxlanılıb. Polis əməkdaşları tərəfindən həmin sürücünün narkotik vasitənin təsiri altında olmasına dair əsaslı şübhələr yaranıb. A.İsmiyevin həkim müayinəsindən keçirilməsi təmin edilib və onun narkotik vasitənin təsiri altında olması sübuta yetirilib.
Həmin şəxsin barəsində qanunvericiliyin tələblərinə uyğun tədbir görülüb.
