"xeberinfo.com": Xaçmazın Ağtala kənd sakini 68 yaşlı Əhməd İskəndərov 3 gün əvvəl Nərəcan kəndindəki mağazadan aldığı çörəyin içindən təxminən 4-5 sm uzunluğu olan kafel parçası tapıblar. 

          Ailə üzvləri çörəyi yaxşı yemədiklərinə sevinərək mağazaya üz tutublar .

        Mağaza sahibi Şahin Qeybullayevin fakta münasibəti isə belə olub. Mağaza sahibi, Şahin Qeybullayev: “Ona mən cavabdeh deyiləm hər gələn çörəyi analizdən keçirməli deyiləm ki”. Bu cavadan sonra isə şikayətçi  çörəyin bişirildiyi Xaçmaz şəhərindəki Paknur çörəkbişirmə müəssisəsinə gəlib.

        Amma bu müəssisədə də Əhməd kişini top - tüfənglə qarşılayıblar. Müəssisənin məsul nümayəndəsi İlham Allahverdiyev şikayətçidən ona çörəyi bütöv gətirməyi tələb etdi və bunu özlərinə şantaj saydı.

     Məsul nümayəndə açıqlamasında bunu onlarla rəqabət aparan digər müəssisələrin təxribatı da adlandırdı. 

      Fakt isə faktlığında qalır. Əgər rəsmi qurumlar da yoxlamalara start versələr çörəyin içərisindən kafel yox daha qəribə şeylərin çıxıdğının şahidi olarlar.