AZ
RU
“Vəfa” tamaşasının premyerası oldu
Xalq şairi Rəsul Rzanın “Vəfa” pyesi əsasında Bakı Bələdiyyə Teatrının səhnələşdirdiyi eyniadlı tamaşasının premyerası olub.
Yenixeber.org xəbər verir ki, tamaşanın quruluşçu rəssamı Əməkdar mədəniyyət işçisi İlham Əsgərov, musiqi hissə müdiri Əməkdar mədəniyyət işçisi Nazim Əbidov, işıqçı rəssamı Tərlan Ələsgərlidir.
Rəsul Rzanın “Vəfa” pyesi inam, dostluq, sədaqət, dönüklük, ara qarışdırmaq kimi müsbət və mənfi keyfiyyətləri özündə əks etdirir. Pyesdə İkinci cahan savaşında göstərilmiş şücaət ümumxalq hünəri kimi təqdim edilir. Vətəni sevmək, xalqına bağlı olmaq pyes boyu müəllif tərəfindən vurğulanır. Tamaşanın quruluşçu rejissoru, Xalq artisti Mərahim Fərzəlibəyovdur. Rejissor səhnə əsərində müəllifin şeirlərindən, Krım cəbhəsində yazdığı məktublardan istifadə edib.
