Azərbaycan bankları dollar satışını bərpa etməyiblər.

Xeberinfo.com:   Banklarda xarici valyuta satılmır, Bakının mərkəzindəki valyutadəyişmə məntəqələri isə ümumiyyətlə fəaliyyət göstərmir.
Hələlik şəhərin mərkəzindəki bank ofislərindən yalnız «AzərTürkBank»ın filialında dollar satışının olacağı bildirilir. Buna görə də həmin filialın qarşısında böyük növbə yaranıb. Amma hələlik burada da dolların hansı məzənnə ilə satılacağı bilinmir. Üstəlik, bəzi məlumatlara görə, filialda valyuta satışında 500 dollarlıq limit qoyulacaq.
Banklar və valyutadəyişmə məntəqələrində valyutanın satılmaması «qara bazar»»ın formalaşmasına səbəb olub. Belə ki, elə Səməd Vurğun bağı ətrafındakı ərazilərdə dolaşan dollar alverçiləri vətəndaşlara dollar dəyişməyi təklif edirlər. Burada dolların alış qiyməti 1,6 manat satış qiyməti 1,7 manatdır. Qeyd edək ki, ötən gün bu ərazidə alverçilər dolları 1,85 manata satırdılar. Amma ərazidə banklardan birinin («AzərTürkBank»ın) dollar satacağı barədə məlumatlardan sonra onlar qiyməti 1,7 manata endiriblər.