Yaxın günlərdə Standartlaşdırma, Metrologiya və Patent üzrə Dövlət Komitəsi, Kənd Təsərrüfatı Nazirliyi və Energetika Nazirliyinin ləğvi gözlənilir. 

Xeberinfo.com:   Bu barədə istiqlal.az-a hakimiyyətdəki mənbələrdən məlumat daxil olub.

Mənbənin məlumatına görə, ləğv edilən dövlət qurumlarının səlahiyyətləri İqtisadiyyat Nazirliyinə veriləcək: İqtisadiyyat Nazirliyinin super nazirliyə çevrilməsi nəzərdə tutulub. Hazırda işçi qrup İqtisadiyyat Nazirliyinin yeni statusu ilə bağlı sənəd üzərində işləyir. Ləğv edilən dövlət qurumlarının bəzi funksiyaları başqa qurumlara da verilə bilər. Məsələn, Kənd Təsərrüfatı Nazirliyinin Baytarlıq Xidmətinin Səhiyyə Nazirliyinə verilməsi gözlənilir. Ancaq əsas funksiyalar İqtisadiyyat Nazirliyinə veriləcək."

Yada salaq ki, prezident İlham Əliyev dəfələrlə 2016-cı ilə struktur və idarəetmə islahatlarının davam etdiriləcəyini vuğulayıb.

Son 1 ildə 3 dövlət komitəsi ləğv edilib: Dövlət Torpaq və Xəritəçəkmə Komitəsi, Satınalmalar üzrə Dövlət Agentliyi və Qiymətli Kağızlar üzrə Dövlət Komitəsi.