AZ
RU
Sabiq nazir azadlığa buraxıldı
Sabiq xarici iqtisadi əlaqələr naziri Nicat Quliyev azadlığa buraxılıb.
Xeberinfo.com: Musavat.com-un məlumatına görə, sabiq nazirin həbs müddəti başa çatıb.
Qeyd edək ki, N.Quliyev keçmiş MTN rəhbərliyi tərəfindən 2013-cü ilin 7 avqustunda həbs edilmişdi. Həbsin siyasi motivi də olub. Nicat Quliyev o zamankı Milli Şuraya gizli dəstək verməsi və bu qurumu təsis edən Rüstəm İbrahimbəyovla telefonla danışması səbəbindən diqqəti cəlb etmişdi. Sonradan bu fraqment onun cinayət içindən çıxarıldı.
İstintaqın rəsmi məlumatına görə, onun bağ evindən "Kalaşnikov" avtomatı götürülmüşdü.
Həmin vaxt sabiq nazir qanunsuz odlu silah saxlamada təqsirli bilinərək 3 il müddətinə azadlıqdan məhrum edilmişdi.
Xatırladaq ki, N.Quliyev Naxçıvan Muxtar Respublikası Ali Məclisinin sədri Vasif Talıbovun xalası oğludur.
