AZ
RU
NATO tarixində ilk qadın komandan
“Səhrada tufan” xüsusi əməliyyatında və digər hərbi kampaniyalarda iştirak etmiş general-mayor Kristin Lund Birləşmiş Millətlər Təşkilatının Kiprdəki hərbi qoşunlarının komandanlığına gətirilib.
"xeberinfo.com": Məlumata görə, bu barədə sərancamı təşkilatın Baş katibi Pan Gi Mun imzalayıb.
Məlumatda deyilir ki, Kristin Lundun 34 illik hərbi təcrübəsi var. O, Norveç əməliyyatından tutmuş NATO və BMT-nin ayrı-ayrı hərbi əməliyyatlarında yaxından iştirak edib.
Qeyd edək ki, 2007-ci ildə Norveç ali hərbi komandanının müavini vəzifəsinə gətirilən Lund 2009–cü ildə qadınlar arasında ölkəsində ilk dəfə general- mayor rütbəsinə layiq görülüb.
Xatırladaq ki, indi o, BMT-nin daimi həribi qoşunlarının Kipr adasındakı bölmələrinin komandanlığında çalışacaq.
