Fransanın “La Fayette” hərbi gəmisi Qara dənizin qərbinə doğru irəliləyir.

Yenixeber.org:  Bu barədə  “RİA Novosti” məlumat yayıb.

Agentliyin hərbi-diplomatik mənbəyə istinadla verdiyi məlumata görə, Rusiya Qara Dəniz Donanmasının hərbi qüvvələri və aşkarlama vasitələri “La Fayette” gəmisinin hərəkətini müşahidə edirlər.

NATO-nun baş katibi Jens Stoltenberq bundan əvvəl bildirmişdi ki, alyans Qara dənizdə iştirakını genişləndirəcək, hərbi təlimləri intensivləşdirəcək.

Stoltenbergin sözlərinə görə, alyansın hərbi gəmiləri regionda keçirilən təlimlər zamanı mövcud vəziyyət barədə informasiya toplayacaq, həmçinin regiondakı müttəfiqlərin hərbi-dəniz qüvvələri ilə qarşılıqlı hərəkət vaxtı koordinasiyanı öz üzərinə götürəcək.

Hərbi-diplomatik mənbənin “RİA Novosti”yə verdiyi məlumata görə, həmçinin Odessaya Türkiyə və Rumınyadan 2 gəmidən ibarət minatutan qrup, habelə Polşa, İspaniya, Almaniya və Yunanıstandan minatutan gəmilər gəlib. Yaxın vaxtlarda gəmi komandirlərinin toplantısı gözlənilir. Toplantıda, minalardan müdafiə təlimində qarşıya qoyulacaq tapşırıq müəyyənləşdirilməlidir.