AZ
RU
Sərxoş məmurla polis arasında dava düşdü
Qubada Gənclər və İdman Nazirliyinin gənclər üçün təşkil etdiyi tədbirdə qalmaqal yaşanıb.
"Xeberinfo.com": Quba rayon polis şöbəsindən əldə etdiyimiz məlumata görə, tədbir Quba rayon mərkəzində baş tutub.
Tədbirdə iştirak edən Quba rayon Gənclər və İdman İdarəsinin rəisi Mustafa Mehalayevlə polislər arasında insident baş verib. İnsident zamanı M.Mehtalayev polis əməkdaşları ilə dalaşıb. Polisin tənqidlərinə tabe olmayan Mustafa Mehalayev bölməyə aparılıb. Bölmədə müəyyən ediblər ki, saxlanılan şəxs sərxoşdur.
Onun barəsində İnzibati Xətalar Məcəlləsinin 296-cı maddəsilə inzibati qaydada qərar qəbul edilib.
Faktla bağlı araşdırma aparılır.
Qeyd edək ki, məsələ aydınlıq gətirmək üçün Mustafa müəllimlə əlaqə yaratmaq istədik. Lakin onun telefonu söndürülmüşdü.
