SOCAR-ın neft buruğunda faciə

Yenixeber.org:SOCAR-ın Mətbuat xidməti və ictimaiyyətlə əlaqələr departamentinin rəhbəri Nizaməddin Quliyev  açıqlamasında bildirib ki, qəza nəticəsində ölüm hadisəsi baş verməyib: "İki nəfər qazma köməkçisi - Fikrət Gözəlov və Cavad Ədilov xəsarət alıblar. Xəsarət alan işçilər xəstəxanaya çatdırılıb. Onlardan biri artıq evə buraxılıb, digərinin müalicəsi davam etdirilir".

***

10:09

Qaradağ rayonu ərazisində yerləşən "Azneft" İstehsalat Birliyinin buruğunda faciə baş verib.

Oxu.Az xəbər verir ki, bu barədə Yenicag.az məlumat yayıb. Qeyd edilir ki, buruqda boru 52 yaşlı Gözəlov Fikrət Alıkişi oğlu və 54 yaşlı Ədilov Cavad Əlibala oğlunun üstünə düşüb.

Ağır xəsarətlər alan işçilər xəstəxanaya çatdırılıb. Fikrət Gözəlov aldığı xəsarətlərlə xəstəxanada dünyasını dəyişib.

Digər yaralının vəziyyəti isə orta ağır kimi qiymətləndirilib.

Xəbəri dəqiqləşdirmək məqsədilə Dövlət Neft Şirkətinin mətbuat katibi Nizaməddin Quliyevlə əlaqə saxladıq. O, məsələnin araşdırıldığını bildirdi.