Bununla bərabər çirkab su ilə gələn minlərlə plastik su qabları da dəniz suyuna tökülür. Söhbət Bakının Hövsan qəsəbəsindən gedir

Yenixeber.org:  Həm torpaq, həmdə dəniz çirklənir. Bura Paytaxtın Hövsan qəsəbəsidir. Boş əraziyə boru vasitəsi ilə çirkli sular axıdılır.

Elə həmin borudan bura minlərlə plastik su qabları da tökülür. Çəkiliş zamanı da kanalizasiya sularının bura töküldüyünün şahidi olduq.. Yaranan ifunət qoxusu isə ətrafa yayılır.

Ən dəhşətlisi isə odur ki, çirkli su və tullantılar kanal vasitəsi ilə birbaşa təmizlənmədən xəzər dənizinə axıdılır.

Çirkab suyun hansı mənbədən axıdıldığını müəyyənləşdirmək mümkün olmadı.

Məsələ ilə bağlı Ekologiya və Təbii Sərvətlər Nazirliyi ilə əlaqə saxladıq. Nazirliyin Ətraf mühitin mühafizəsi departamentinin sektor müdiri Raquf Mirzəyev bildirdi ki, görüntülərə baxıldıqdan sonra əraziyə nazirliyin əməkdaşları tərəfindən baxış keçiriləcək. Suyun hansı mənbədən axıdıldığı müəyyən edildikdən sonra sərt cəza tədbirləri görüləcək.