AZ
RU
BAKIDA BÖYÜK TİKİNTİ ŞİRKƏTİNİN RƏHBƏRLƏRİ HƏBS OLUNDU- FOTO (Yenilənib)
“Yeni Yasamal “ MTK-nın sədri Cahangir Alışov və vəkili saxlanılıb.
Yenixeber.org: Məlumata görə, şirkət rəhbəri Yasamal rayonu , M.Xiyabani küçəsində tikilməkdə olan 16 mərtəbəli binadakı eyni mənzillərin, dələduzluq edərək, bir neçə nəfərə satılmasının təşkilində təqsirləndirilir. Faktla bağlı 2 ilə yaxındır ki, Baş prokuror yanında Korrupsiyaya qarşı Mübarizə Baş İdarəsində cinayət işi qaldırılıb.
Şirkət rəhbəri evlərin qanunsuz satışını vəkili Habil Fətəliyev vasitəsi ilə həyata keçirdiyindən onun da saxlanıldığı deyilir.
“AzPolitika.info”ya verilən məlumata gərə, Habil Fətəliyev özünü vəkil kimi təqdim etsə də, o, Vəkillər Kollegiyasının üzvü olmayıb. Yeni Yasamal” MTK-nın sədrinin müavini kimi evlərini satışını həyata keçirən Habil Fətəliyevin həm də hüquqi nümayəndə kimi şirkəti təmsil etdyi bildirilir.
Qeyd edək ki, dələduzluğun qurbanı olan vətəndaşların bir çoxu şirkət tərəfindən aldadılmalarında Habil Vəliyevin birbaşa iştirak etdiyini bildiriblər.
