AZ
RU
Bakıda saunadan oğurluq kameralara tuş gəldi– VİDEO
Bakıda saunadan oğurluq edən şəxs yaxalanıb
Yenixeber.org: DİN mətbuat xidmətindən verilən məlumata görə, Nərimanov Rayon Polis İdarəsinin (RPİ) 18-ci Polis Bölməsi (PB) əməkdaşlarının həyata keçirdiyi əməliyyat tədbiri nəticəsində rayon ərazisində yerləşən saunalardan birindən oğurluq edən şəxs saxlanılıb.
Bakı şəhər sakini Müslüm Tağıyev 18-ci Polis Bölməsinə məlumat verərək bildirib ki, saunada olduğu müddətdə paltardəyişmə otağında onun cibindən 1700 manat pul naməlum şəraitdə oğurlanıb. Bölmə əməkdaşları tərəfindən həyata keçirilən əməliyyat-axtarış tədbiri nəticəsində qeyd edilən cinayəti törətməkdə şübhəli bilinən paytaxt sakini Xəyal Mustafayev saxlanılıb.
Qeyd edək ki, saxlanılan şəxsin saunanın paltardəyişmə otağında törətdiyi oğurluq əməli obyektin təhlükəsizlik kameraları vasitəsilə anbaan lentə alınıb. İfadəsi zamanı X.Mustafayev törətdiyi cinayəti etiraf edib.
Faktla bağlı cinayət işi başlanılıb, araşdırmalar davam etdirilir.
