AZ
RU
Azərbaycanlının olduğu gəmi Yapon dənizində itdi
Yapon dənizində Rusiyaya məxsus “Vostok” balıqçı gəmisi itib
Yenixeber.org: Göyərtəsində 21 nəfərin olduğu gəmi ilə əlaqə yoxa çıxıb.
Rusiya Fövqəladə Hallar Nazirliyinin Xabarovsk Aviasiya-Xilasetmə Mərkəzindən verilən məlumata görə, gəminin yoxa çıxdığı əraziyə 2 gəmi və 2 helikopter, o cümlədən Be-200 xilasedici təyyarəsi göndərilib.
İtən gəmidə Azərbaycan vətəndaşının olduğu bildirilib.
Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev Yaponiyadakı səfirliyin itkin düşən "Vostok" balıqçı gəmisində Azərbaycan vətəndaşlarının olub-olmaması məsələsini araşdırdığını deyib.
Onun sözlərinə görə, əlavə məlumat əldə olunduğu təqdirdə ictimaiyyətə çatdırılacaq.
