AZ
RU
İŞİD bayrağı qaldıran şəxs kimdir?
Milli Şuranın 12 oktyabr mitinqində İŞİD bayrağını qaldıran Ramin Quliyevlə bağlı yeni məlumat yayılıb.
"Xeberinfo.com" AzNews.az-a istinadən xəbər verir ki, Ramin Quliyev Əbu-Bəkir məscidinin imamı Qamət Süleymanovun qayınıdır. Onun daim Qamət Süleymanovun yanında olduğu, ona köməklik göstərdiyi bildirilir.
Məsələ ilə bağlı danışan Qamət Süleymanov informasiyanı təsdiqləyib:
“Ramil heç vaxt mitinqlərə getmir, onun facebook dostu Ramili mitinqə dəvət edib. Mən onunla söhbət etdim. Ramil mənə bildirdi ki, o yerdə Allah kəlamı yazılmış bayraq görüb və onu ayaq altından götürmək istəyib. Bu zaman polislər onu ərazidən kənarlaşdırıb”.
Qeyd edək ki, Ramil Quliyev AzNews.az-a verdiyi açıqlamasında bayrağı ona tanımadığı bir şəxsin verdiyini demişdi. Onu da bildirək ki, sələfi təriqətinə görə, hakimiyyətə qarşı çıxmaq, mitinqlərə qatılmaq haram sayılır.
