Yenixeber.org: Çinə səfər edən Vladimir Putinin Si Tsinpinlə danışıqlarının yekununda qəbul olunan birgə bəyannamədə belə deyilir.

“Rusiya və Çin qlobal və regional strateji balans və sabitliyin təmin olunmasına xüsusi diqqət ayıracaqlar. Çünki bir sıra dövlətlər “raket təhlükəsi” bəhanəsilə birtərəfli qaydada raketdən müdafiə sistemlərini təkmilləşdirirlər və onlarıAvropada və Asiya və Sakit okeanı məkanında yerləşdirirlər. Bununla da regional dövlətlərin, o cümlədən Rusiya və Çinin strateji təhlükəsizlik maraqlarına ciddi zərər yetirirlər. Onlar həmçinin strateji qüvvələr balansına, qlobal və regionaltəhlükəsizlik və sabitliyə mənfi təsir göstərirlər.” – deyə bəyanatda vurğulanır.

Qeyd edək ki, bu gün Rusiya prezidenti Vladimir Putin Çinə səfər edərək həmkarı Si Tsinpinlə görüşüb. Səfər zamanı tərəflər arasında ticarət, energetika, kosmos və digər istiqamətlərdə əməkdaşlığı bnəzərdə tutan bir sıra müqavilələr imzalanıb. Həmçinin, Putin Çinin Çindao şəhərində keçiriləcək Şanxay Əməkdaşlıq Təşkilatının iclasına da qatılacaq.