AZ
RU
Xəzərin sahili tullantılardan təmizlənib
Sentyabrın 29-da Ekologiya və Təbii Sərvətlər Nazirliyi əməkdaşlarının və könüllülərin iştirakı ilə Beynəlxalq Dəniz Günü və “Xəzər həftəsi” çərçivəsində Xəzər dənizinin Novxanı sahilinin bir hissəsində iməcilik keçirilib.
Yenixeber.org: Nazirliyin mətbuat xidmətindən bildiriblər ki, aksiyada 3 hektardan artıq sahil zolağı plastik və məişət tullantılarından təmizlənib. Nazirlik tərəfindən belə maarifləndirici aksiyalar digər Xəzərsahili zonalarda da təşkil edilib.
Xatırladaq ki, Beynəlxalq Dəniz Günü dünya ictimaiyyətinin diqqətini su hövzələrinin və onun bioresurslarının qorunmasına yönəltmək məqsədilə 1978-ci ildə Birləşmiş Millətlər Təşkilatının qəbul etdiyi qərarla təsdiqlənib. Həmin ildən etibarən hər il sentyabrın sonuncu həftəsi Beynəlxalq Dəniz Günü kimi qeyd olunur.
Xatırladaq ki, Beynəlxalq Dəniz Günü dünya ictimaiyyətinin diqqətini su hövzələrinin və onun bioresurslarının qorunmasına yönəltmək məqsədilə 1978-ci ildə Birləşmiş Millətlər Təşkilatının qəbul etdiyi qərarla təsdiqlənib. Həmin ildən etibarən hər il sentyabrın sonuncu həftəsi Beynəlxalq Dəniz Günü kimi qeyd olunur.
