AZ
RU
Bakı bulvarı Yeni il bayramına hazırlaşır
Dənizkənarı Bulvar İdarəsi Yeni il bayramı ilə əlaqədar bulvarda hazırlıqları davam etdirir.
Yenixeber.org: Dənizkənarı Bulvar İdarəsinin mətbuat xidmətinin rəhbəri Gunay Yelmarqızı açıqlamasında bildirib ki, artıq Dənizkənarı Milli Park ərazisi boyunca ağaclar çıl-çıraqlarla bəzədilib.
“Kukla teatrının arxasında, bulvar ərazisində olan meydanda “yolka” qurulub. Kukla teatrının yanında, yeraltı keçidin önündən bulvar ərazisi istiqamətində çıl-çıraqlarla bəzədilən, uzunluğu 35 m, eni 4,3 m və hündürlüyü 5 m olan tunel quraşdırılıb. Tunelin qurtaracağında, təxminən 30 m məsafədə diametri 5 m olan, işıqlarla bəzədilən şar quraşdırılıb. (içərisində şəkil çəkdirmək üçün). Şarın yaxınlığında Yeni İlin rəmzi olan maral qoşulmuş xizək, işıqlarla bəzədilmiş retro maşınlar qoyulacaq”.
G.Yelmarqızı, həmçinin qeyd edib ki, ərazi işıqlarla bəzədilib, iri ölçüdə rəmzi hədiyyə qutuları və “qar adamı” da quraşdırılacaq: “Ərazidəki gəzinti qatarları və retro maşınlar bəzədiləcək, Neftçilər prospekti boyu işıq dirəklərində Azərbaycan bayrağı əks olunacaq. Yeni il hazırlıqları artıq yekunlaşmaq üzrədir. Bayram günlərində Dənizkənarı Bulvar İdarəsi paytaxt sakinləri və qonaqlara maraqlı proqramlar təqdim edəcək”.
G.Yelmarqızı, həmçinin qeyd edib ki, ərazi işıqlarla bəzədilib, iri ölçüdə rəmzi hədiyyə qutuları və “qar adamı” da quraşdırılacaq: “Ərazidəki gəzinti qatarları və retro maşınlar bəzədiləcək, Neftçilər prospekti boyu işıq dirəklərində Azərbaycan bayrağı əks olunacaq. Yeni il hazırlıqları artıq yekunlaşmaq üzrədir. Bayram günlərində Dənizkənarı Bulvar İdarəsi paytaxt sakinləri və qonaqlara maraqlı proqramlar təqdim edəcək”.
