Səhər saatlarından başlayaraq, stansiyalarda sıxlığa səbəb bu gün metrodan istifadə edən sərnişinlərin sayının həddən artıq çox olması olub.

Yenixeber.org: Bu barədə Bakı Metropoliteni QSC-nin mətbuat katibi Bəxtiyar Məmmədov bu gün səhər saatlarında qatarların gecikməsinə münasibət bildirərkən deyib. Onun sözlərinə görə, metrodakı sıxlıq və qatarlararası intervalın uzanması hər hansısa problemlə əlaqədar olmayıb:

“Qatarların hərəkətində hansında texniki nasazlıq olmayıb. Qatarlararası intervalın artmasının səbəbi sərnişin çoxluğundan stansiyalarda qatarların ləngiməsidir. Qatarın qapıları bağlnmasa, yola çıxa bilməz. Ona görə müəyyən yubanma yaranıb”.

Qeyd edək ki, bu gün səhər saatlarından metroda qatarların hərəkətində ləngimələr baş verib. Hətta "Həzi Aslanov"-"Dərnəgül" istiqamətində hərəkət edən qatar "Gənclik"-"28 May" stansiyaları arasında 15 dəqiqə tuneldə qalıb.

Yeri gəlmişkən bildirək ki, Xocalı hadisəsinin 27-ci il dönümünə görə keçiriləcək yürüşlə əlaqədar olaraq bir çox yollar bağlanıb. Bu səbəbdən metrodan istuifadə edənlərin sayı artıb.(axar)