AZ
RU
İran Azərbaycanında anti-erməni etirazlar davam edir-Video
İranın Zəncan şəhərində universitet tələbələri rəsmi Tehranın Ermənistanı dəstəkləməsinə etiraz olaraq aksiya keçiriblər.
Yenixeber.org: Yerli KİV-lər bildirir ki, onlarla tələbə əllərində “Qarabağ bizimdir!” yazılı plakatlar tutaraq, təhsil ocağının qarşısına toplaşıb. Aksiya iştirakçıları bir ağızdan “Qarabağ bizimdir, bizim olacaq!” şüarını səsləndiriblər.
Xatırladaq ki, Ermənistanın baş naziri Nikol Paşinyanın bir neçə gün əvvəlki İran səfəri ölkədə yaşayan azərbaycanıların kütləvi narazılığına səbəb olub. Belə ki, Paşinyanın erməni icması ilə görüşü zamanı “Qarabağ – Ermənistandır” yazılı plakat qaldırılıb.
Hadisədən sonra Cənubi Azərbaycan ostanının bir sıra şəhərlərində silsilə etiraz aksiyaları keçirilib. Ən irimiqyaslı anti-erməni nümayişi isə “Traktor Sazi” – “Sepahan” matçından əvvəl Təbriz stadionunda təşkil olunub.
Aksiyadan sonra 30 azərbaycanlı fəalın həbs olunduğu deyilir.(virtualaz)
