AZ
RU
MŞ-də Şirməmməd Hüseynovun 90 yaşı qeyd edildi
Bu gün Mətbuat Şurası (MŞ) Bakı Dövlət Universitetinin pedaqoqu və mətbuat tədqiqatçısı, professor Şirməmməd Hüseynovun yubileyini keçirib.
"Xeberinfo.com": Məlumata görə, Beynəlxalq Mətbuat Mərkəzində keçirilən tədbirdə tanınmış ictimai xadimlər, ziyalılar, KİV rəhbərləri iştirak ediblər.
MŞ sədri Əflatun Amaşov çıxış edərək bildirib ki, tədbirin məqsədi əqidəli müəllimləri Şirməmməd Hüseynovun 90 yaşını qeyd etməkdir. O, Ş.Hüseynovun həyatı, həmçinin əsərləri barədə danışıb və bildirib ki, böyük və ömür yolu keçən Şirməmməd Hüseynovun Azərbaycan Demokratik Cumhuriyyətinin, Məmməd Əmin Rəsulzadə irsinin öyrənilməsində böyük xidmətləri var: “Bu tarixin təbliğində Şirməmməd müəllimin misilsiz xidməti var. Həmçinin mətbuat tariximizin qaranlıq səhifələrinə işıq salanların sırasında onun adı ön cərgədə çəkilir”.
Tədbirdə Ş.Hüseynovla bağlı MŞ tərəfindən hazırlanan film də nümayiş etdirilib. Filmdə o, obyektivliyin simvolu adlandırılıb.
