AZ
RU
İstanbulun 14 rayonunda təkrar səs sayımı bitdi:"AKP-yə 1596, CHP-yə isə 532 səs əlavə edildi"
İstanbulun 14 rayonunda bələdiyyə seçkilərinin nəticələrinin təkrar sayılması başa çatıb.
Yenixeber.org: Bu barədə CHP-li Əkrəm İmamoğlunun seçki qərargahı məlumat yayıb.
Bildirilib ki, AKP-nin etirazı ilə 14 rayonda etibarsız hesab edilmiş 89 min 225 bülleten təkrar sayılıb: “Nəticədə AKP-yə 1596, CHP-yə isə 532 səs əlavə edildi. Bununla da 14 rayon üzrə fərq 1064 oldu”.
Xatırladaq ki, İstanbulda rəqabət Binəli Yıldırmla CHP-li Əkrəm İmamoğlu arasında gedir. İlkin rəsmi nəticəyə görə, İmamoğlu Binəli Yıldırıma 27 min artıq səslə qalib gəlib. Lakin AKP-nin etirazı ilə iki gün əvvəldən başlayan təkrar səssaymadan sonra isə bu fərq 19 min civarında dəyişir.
Hazırda digər rayonlarda səslərin təkrar sayılması davam edir. Bildirildiyinə görə, proses 3 gün içində yekunlaşacaq.
