Ermənilərin Misirdə təqdim etdikləri Qarabağ yeməyi düşmən təmsilçisinə birincilik qazandırıb.

Yenixeber.org: Məlumata görə, erməni mətbuatına istinadən xəbər verir ki, Culinary Taste of Culture Expo çərçivəsində keçirilən müsabiqədə təmsil olunan ermənilər bu yeməklə “ən yaxşı milli yemək” kateqoriyası üzrə birinci yerə layiq görülüb.

Baş verən olaya münasibət bildirən İrəvan Food Fest-in qurucusu Anna Mazmanyan “erməni mətbəxinin tanıtımı və təbliği missiyasının uğurla həyata keçirildiyini” vurğulayıb.

Məlumat üçün qeyd edək ki, ermənilərin “Arsaq xaqanı” adını verdiyi yeməyin hazırlanmasında toyuq, yağ, un, üzüm, duz, ədviyyat, göyürti və meyvədən istifadə edilir.

Xatırladaq ki, ermənilər bu günə qədər bir neçə dəfə Azərbaycan yeməyini dünyaya Ermənistan yeməyi adı altında çıxarıb və milli mətbəximizi erməni mətbəxi kimi tanıtmağa cəhd edib. Torpaq kimi milli mətbəx və digər dəyərlərdən də məhrum olan ermənilər bu sahədəki bütün boşluqları Azərbaycana məxsus  milli dəyərləri, özünəməxsusluqları oğurlamaq, onu cüzi redaktələrlə dünyaya özlərinə məxsus dəyər kimi tanıtmaqla çıxmağa çalışır. (moderator.az)