AZ
RU
İran hərbi təlimlərə başladı-Xəzərdə
İran ordusunun Hərbi Dəniz Qoşunları Xəzər dənizində “Davamlı Təhlükəsizlik” adlı hərbi təlimlərə başlayıb.
Yenixeber.org: Sülh və dostluq müraciəti anlamını daşıyan təlimlərdə məqsəd dənizdə döyüş bacarığının yüksəldilməsidir.
4 gün davam edəcək və 25,8 min dəniz mili ərazisində-İranın ərazi sularında keçiriləcək hərbi təlimlərdə ölkənin gəmi və uçuş vasitələri, o cümlədən esmineslər, torpedalar, qırıcı təyyarələr və helikopterlər, piyada və komandoslar iştirak edirlər.
Xatırladaq ki, İranın Hərbi Dəniz Qüvvələrinin komandanı, kontr-admiral Hüseyn Xanzadə dünən yerli KİV-ə açıqlamasında bildirmişdi ki, İran və digər Xəzəryanı dövlətlər arasında hərbi əməkdaşlığın genişlənməsi haqqında danışıqlar aparılır. Xəzəryanı dövlətlərin hərbi dəniz qüvvələrinin komandanlıqları arasında növbəti görüş sentyabrda Rusiyada olacaq.
