AZ
RU
UkraynaXİN: Dağlıq Qarabağda keçirilmiş qondarma "seçkiləri" tanımırıq
Ukrayna Xarici İşlər Nazirliyi (XİN) Azərbaycanın işğal olunmuş ərazilərində keçirilmiş qondarma “yerli özünüidarəetmə seçkilərini” tanımır və bunu qanunsuz hesab edir.
Yenixeber.org: Bu barədə Ukrayna XİN-in mətbuat xidməti məlumat yayıb.
Bildirilib ki, sözügedən “seçkilər” Azərbaycan Konstitusiyasını və beynəlxalq hüququn norma və prinsiplərini pozur, hüquqi cəhətdən etibarsızdır.
“Dağlıq Qarabağ münaqişəsi ilə bağlı Ukraynanın mövqeyi dəyişməz olaraq qalır. Bizim mövqeyimiz beynəlxalq səviyyədə tanınmış sərhədləri daxilində Azərbaycanın suverenliyinə və ərazi bütövlüyünə qeyd-şərtsiz dəstək olmaqdan ibarətdir”, - məlumatda qeyd olunub.
