AZ
RU
Çində indiyədək koronavirusa yoluxmuş şəxslərin, 77%-i sağalaraq xəstəxanadan evə buraxılıb.
Yenixeber.org: “RİA Novosti” xəbər verir ki, bu barədə Çinin Səhiyyə məsələləri üzrə Dövlət Komitəsi məlumat verib.
Son göstəricilərə görə, Çinin materik hissəsində koronavirusa yoluxma faktlarının sayı 80 793-dür. Qeyd edilir ki, bunlardan 62 793 nəfəri sağalaraq evə buraxılıb.
Ümumilikdə virus 3 169 nəfərin həyatına son qoyub. Ölüm nisbəti 3,9% təşkil edir.
Qeyd edək ki, koronavirusun yayılmağa başladığı Hubey vilayəti istisna olmaqla Çində indəyədək 13 012 yoluxma faktı qeydə alınıb. Onlardan 113-ü ölümlə nəticələnib. Ölüm faizi 0,86% təşkil edib. Hubey vilayətində isə ölüm 4,5%-dir.
