AZ
RU
Rusiyada -koronavirusa yoluxanların sayı 18 mini ötüb, 148 nəfər ölüb
Rusiyada son bir gündə 2 558 nəfərə koronavirus diaqnozu qoyulub, 18 nəfər virusun qurbanı olub.
Yenixeber.org: Bunu ölkənin Operativ Qərargahı açıqlayıb.
Məlumata görə, bununla da yoluxanların sayı 18 328 nəfərə, ölənlərin sayı 148-ə, sağalanların sayı isə 1 470 nəfərə çatıb.
Yeni yoluxmaların əksəriyyəti paytaxt Moskvada qeydə alınıb - 1 355. Beləliklə, Moskvda yoluxma hallarının sayı 11 513-ə çatıb.
Qeyd edək ki, Rusiyada koronavirusa ilk yoluxma faktı yanvarın 31-də qeydə alınıb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 1 854 000-i ötüb. Bunların 428 069 nəfəri sağalıb, 114 293 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
