Rusiyanın  Mordoviya muxtar vilayətinin  Ardatovski rayonunun Nizovka kəndində dəfn mərasimindən sonra təxminən 50 nəfər koronavirusa yoluxub.

Yenixeber.org: Bu barədə regional operativ qərargahın "Telegram" kanalında məlumat verilib.

Beləliklə, kənddəki dəfn mərasimi son 24 saat ərzində Mordoviyada yeni yoluxmaların  əksəriyyətinin əsas mənbəyinə çevrilib - Ardat rayonunda 39 yeni yoluxmuşlardan 24 nəfəri həmin kənddə yaşayır. 

"Xəstəliyə yoluxmuş insanlar özləri yoluxma mənbəyinə çevriliblər. Nəticədə Ardatov rayonunun müxtəlif yaşayış məntəqələrinin 50-yə yaxın sakinində artıq COVID-19 təsdiqini tapıb", - qərargahın məlumatında bildirilir.

Bundan əvvəl, kənddəki həmin yas mərasimindən sonra 10 kəndlinin yoluxduğu bildirilmişdi. Operativ qərargahın dediyinə görə, yoluxma mənbəyi olan şəxs Moskvadan qayıdan və dəfn mərasimində iştirak edən sakindir, onun virus daşıyıcı olmasından xəbəri olmayıb.

Ümumilikdə, Mordoviyada 424 yoluxma hadisəsi qeydə alınıb. 18 nəfər sağalıb, 2 nəfər ölüb. Rusiyada ümumilikdə 68 622 nəfər koronavirusa yoluxub.