AZ
RU
Yaponiya 80 ölkəyə koronavirus dərmanı göndərəcək-PULSUZ
Koronavirusa qarşı effektivliyi sübut edilən və Yaponiya istehsalı olan “Avigan” dərmanı üçün 80 ölkə müraciət göndərib.
Yenixeber.org: Bu barədə ölkənin Xarici İşlər naziri Tosimitsu Moteqi danışıb.
Nazir bildirib ki, dərman ilk mərhələdə müraciət daxil olan 43 ölkəyə göndəriləcək. İxrac Birləşmiş Millətlər Təşkilatı vasitəsilə həyata keçiriləcək. Dərmanı təhvil alan ölkələr kliniki araşdırma nəticələrini Yaponiya ilə bölüşəcək.
Qeyd edək ki, daha əvvəl Yaponiya “Avigan”ı pulsuz ixrac edəcəyini açıqlamışdı.
Hazırda koronavirusun müalicəsində “Remdesivir” və “Hidroksiklorokin” adlı dərmanlardan da geniş istifadə olunur.
“Avigan” nədir?
“Fujifilm” qrupunun şirkətlərindən olan “Toyama Chemical Co. Ltd.” tərəfindən qripə qarşı istehsal edilən “Avigan” tabletinin COVID-19 simptomlarını aradan qaldırdığı bildirilir. Çinli araşdırmaçılar virusun müalicəsində dərmanın effektiv olduğunu kliniki araşdırmalarla ortaya qoyub.
