AZ
RU
Ermənistanda - polis bazarı bağladı
Ermənistan polisi Ararat vilayətində yerləşən “Meymandar” kənd təsərrüfatı məhsullarının topdansatış bazarını bağlayıb.
Yenixeber.org: Bunu Ermənistanın baş naziri Nikol Paşinyan “Facebook” səhifəsində bildirib.
O deyib ki, polis iyunun 3-də gecə saatlarında bazarda əməliyyat keçirib. Hökumət başçısı qeyd edib ki, hüquq-mühafizə orqanlarının qanuni tələblərinə tabe olmayan 30 nəfər saxlanılıb. N.Paşinyanın sözlərinə görə, hadisə ilə bağlı cinayət işi başlanılıb.
“Bazar bağlanıb. Gecə xüsusi əməliyyat keçirilib. Dünənki hadisələrlə bağlı cinayət işi başlayıb”, - deyə baş nazir yazıb.
Ermənistan Dövlət Təhlükəsizlik Xidmətinin qərarına əsasən, bazarda fövqəladə vəziyyət rejimində komendant saatı və ərzaq məhsulları təhlükəsizliyinin qorunması normaları pozulub. Ona görə də bazar iyunun 6-dək bağlı qalacaq.
