Mərkəzi Neftçilər Xəstəxanasının həkim-reanimotoloqu Elnur Abdulla özü də COVİD-19-a yoluxub.
Yenixeber.org: Bu barədə E.Abdullanın həkim həmkarı Günya Rəhimova “facebook” vasitəsi ilə məlumat verib. O bildirib ki, keçmiş tələbə yoldaşının koronavirus testi 39 dərəcə temperaturla pozitiv çıxıb:
“Elnur mənim tələbə yoldaşımdır, 4 aydır Neftçilər Xəstəxanasındadır. 4 ay öncə COVID-19-un ən böyük və ən ağır yükünü oradakı reanimatoloqlar götürdü. Elnur da onlarla birgə gecə gündüz sizlərə xidmət etdi. Siz “inanmırıq, boş şeydir” deyib onlara lağ edəndə, onlar virusla yalın əllə mübarizədə idi. Sonra inanmağa başlayanda da, yaxınlarınız üçün ora-bura xəstəxana axtaranda da, yatanlardan məlumat bilmək istəyəndə də bu uşaqlar yenə canla başla sizə yardım edirdi.
Bir neçə gün öncə şiddətli yorğunluq və öskürək, 39 temperaturla korona testi pozitiv çıxdı. İndi özü də xəstələrin sırasına qoşulub. Mən bu neçə ayda virusa yoluxan həkimlərlə söhbətlərdən bir şey anladım. Motivasiya yüksək olmalıdır bütün hallarda. O enirsə pisləşir vəziyyət. Gəlin Elnuru da ruhlandıraq. Tezliklə çıxsın vəziyyətdən”.