AZ
RU
Azərbaycan Qran-Prisinin qalibi:"Bakıda yarış yüksək səviyyədə təşkil olunmuşdu"
Doğrusu asan qələbə qazandım deyə bilmərəm. Əzimkarlıq nümayiş etdirərək buna nail oldum.
Yenixeber.org: AZƏRTAC-a istinadən xəbərə görə, bu sözləri bu gün Formula-1 Azərbaycan Qran-Prisinin qalibi Daniel Rikkardo deyib.
Bakıda Formula-1 yarışları üçün hər cür şəraitin olduğunu diqqətə çatdıran D.Rikkardo deyib: “Tras çox həyəcanvericidir. Kəskin döngələrdən keçərək böyük sürət xəttinə malik düz trasa çıxırsan. Ümumiyyətlə Bakı trasını çox bəyənirəm”.
“Keçən il olduğu kimi, bu ildə yarış maraqlı keçdi. Bu il yarışda təhlükəli məqamlar yaşandı. Bunların nəticəsində yarış qəzalarsız ötüşmədi. Dünən mən də qəza etmişdim. Ancaq məyus olmadım. Çox sevinirəm ki, cari mövsümdə ilk qələbəmi qazandım”, - deyə avstraliyalı pilot əlavə edib.
