CBC telekanalı Fransanın Əlcəzairin Reqqan şəhərində törətdiyi cinayətlərdən bəhs edən sənədli film hazırlayıb.

Yenixeber.org: Reqqan şəhərinin sakinlərindən biri olan Ballali Abdülkərim Benalinin atası Fransa hərbi bazasında işləyərkən məxfi sənədləri oğurlayıb. Bu sənədlərdə digər məsələlərlə yanaşı, fransalı hərbçilərin insanlar və heyvanlar üzərində nüvə sınaqları keçirməsi faktları da yer alıb.

“Atam fransızların Əlcəzair müqavimət döyüşçülərinə necə işgəncə verməsi və onların üzərində sanki siçovullar kimi necə təcrübələr aparması barədə danışırdı. Atamda hətta bəzi fransız əsgərlərinin fotoşəkilləri belə var idi, lakin sonradan onlar məhv edildi”, - o qeyd edib.

1960-1966-cı illərdə Fransa Reqqan şəhərində azı 17 nüvə sınağı keçirib. Nəticədə yerli əhalinin sağlamlığına ciddi ziyan dəyib, burada onkoloji xəstəliklərin sayı kəskin artıb.

Sənədli filmdə bu nüvə sınaqlarının nəticələrindən hələ də əziyyət çəkən və rəsmi Parisdən təzminat tələb edən şəhər sakinləri ilə müsahibələr yer alıb.