AZ
RU
“Ər-Riyad siyasi səhvə yol verdi”
İranın ali dini lideri Ayətullah Əli Xameneyi Səudiyyə Ərəbistanında bu günlərdə həyata keçirilmiş, şiə din xadimi Nimr ən-Nimr də daxil, 47 nəfərin edamını yerli hakimiyyətin siyasi səhvi adlandırıb.
Xeberinfo.com: Məlumata görə, bu barədə o, İranın aparıcı din xadimlərinin müşavirəsində bildirib:
“İmamın ədalətsiz yerə axıdılan qanı Səudiyyə Ərəbistanı rəhbərliyini ilahi cəzaya tuş edəcək”.
Xameneyi həmçinin, Səudiyyə Ərəbistanını dəstəkləyən ölkələri də ittiham edib.
Onun sözlərinə görə, islam dünyası və yerdə qalan ölkələr Səudiyyə Ərəbistanı hakimiyyətinin hərəkətlərini pisləməyə borcludur.
Qeyd edək ki, şeyxin edamından sonra Yaxın Şərq ölkələri və İranda etiraz dalğası baş qaldırıb, Tehranda Səudiyyə Ərəbistanının baş konsulluğu dağıdılıb.
