AZ
RU
"Rusiyanı neft asılılığından azı 15 il azad etmək mümkün deyil"
“Rusiya iqtisadiyyatının strukturunu dəyişdirmək və onu neft asılılığından azad etmək ən azı 15 il ərzində mümkün deyil”.
Xeberinfo.com: Məlumata görə, Rusiya baş naziri Dmitri Medvedev alman qəzetinə verdiyi müsahibədə belə deyib.
“Məndən tez-tez soruşurlar: Gör neçə ildir siz də, prezident Putin də hakimiyyətdədir, bəs niyə iqtisadiyyatın strukturu dəyişməyib? İqtisadiyyatı 15 ildən tez dəyişmək mümkün deyil, onu dəyişmək sadəcə olaraq mümkün deyil. Neftə əsaslanan iqtisadiyyat 50-60 il ərzində yaradılıb” – Medevedev belə hesab edir.
Medevedevin sözlərinə görə, Rusiya öz büdcə gəlirlərinin 2/3-ni xammal ixrac etmədən formalaşdırmağa qadirdir. Lakin bu silah, ərzaq və sənaye məhsulları satışı hesabına mümkündür.
Daha əvvəl Rusiya baş naziri demişdi ki, son illər ölkənin neftdən gələn gəlirləri 70%-dən 45%-ə enib. O, Rusiyanın faktiki olaraq “neft iynəsi”ndə oturduğunu etiraf etmişdi.
