AZ
RU
“Rusiya mafia dövlətidir”
Tanınmış amerikalı milyarder Corc Soros Brüsseldə, Beynəlxalq Böhran Qrupunun təşəbbüsü ilə keçirilmiş Qlobal Dialoqda Ukrayna böhranı ilə bağlı fikirlərini bölüşüb.
"Xeberinfo.com":Soros yeni Ukraynanın meydana çıxdığını, Avropaya inanan və dəyərlər uğrunda ölməyə hazır olan insanların formalaşdığını dedi. Bu isə Rusiya ilə üz-üzə qalmış Avropa üçün böyük çağırışdır. Sorosun fikrincə, Rusiya mafia dövlətidir: bu dövlət öz içində repressiya, öz xaricində isə aqressiya ilə məqsədlərinə nail olmağa çalışır.
Avropa İttifaqına isə Rusiyaya qarşı effektiv olmağa resurs çatışmamazlığı mane olur. Sorosun fikrincə, iqtisadi böhrana cavab olaraq həyata keçirilən maliyyə qənaətləri bu cür məsələlərə mane olmamalıdır.
Rusiyaya qarşı sanksiyalar lazımlı olsa da, buna əlavə olaraq Ukraynaya maliyyə yardımları da edilməlidir. Ukraynaya gəlincə, bu ölkə iqtisadiyyatını müasirləşdirməli, enerji istehlakını optimallaşdırmalıdır.
