AZ
RU
Rusiya Fransadan gəmi qisasını şərabla alacaq
“İndi NATO ölkələrindən silah bir yana, heç qida məhsulları da sifariş etmək olmaz”.
"Xeberinfo.com": Bu açıqlama ilə Rusiya Dövlət Duması Müdafiə Komitəsinin üzvü Vladimir Bessonov çıxış edib. O, “Mistral”tipli döyüş gəmilərinin Rusiyaya çatdırılması üçün Fransa şərablarının idxalına qadağa qoyulmasını tələb edib:
"Fransa şərablarının Rusiyada satışını qadağan edək. Yalnız bu şəkildə istədiyimiz nəticəni əldə edə bilərik. Gəminin istehsalını NATO-nun üzvü olan dövlətə sifariş etmək böyük bir səhv idi. İndi NATO ölkələrindən silah bir yana, heç qida məhsulları da sifariş etmək olmaz”.
Qeyd edək ki, 2011-ci ildə Fransa ilə Rusiya arasında iki ədəd “Mistral” gəmisinin satışı ilə bağlı 1 milyard 200 milyon dəyərində müqavilə imzalanıb. Müqaviləyə görə, ilk gəmi 2014-cü ilin sonunda, ikincisi isə 2015-ci ildə Rusiyaya təhvil verilməlidir. Lakin ABŞ-ın müqaviləyə sərt reaksiya göstərməsindən sonra Fransa gəmiləri Rusiyaya verməyəcəyini açıqlayıb.
