AZ
RU
Atatürkün fotosunu montaj edən redaksiyaya hücum
Türkiyədə daha bir qəzet hücumlara məruz qalıb.
"Xeberinfo.com": Məlumata görə, sosial şəbəkə hesabında Atatürkün üzərində fotoshopla işlənmiş fotosunu paylaşan "Yeni Akit" qəzeti dünən axşam 200-ə yaxın şəxsin hücumu ilə üzləşib. Qəzetin rəsmi saytında isə bildirilir ki, durumla bağlı polis məlumatlandırılsa da, redaksiyanın binasına 45 dəqiqə sonra sadəcə bir polis maşını yaxınlaşıb, lakin insidentə müdaxilə etməyiblər. Hadisə zamanı binanın şüşələri sındırılıb, işçilərin avtomobillərinə zərər dəyib.
Qəzet yazır ki, bir qrup şəxsin silahlı olmasına rəğmən polisin bunlara göz yumması ağıllarda “paralel əməliyyatı aparılırmı?” sualının yaranmasına əsas verir.
